რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

მონაცემთა დაცვის საკითხებზე დაინტერესებულ 250-ზე მეტ პირს ონლაინ ტრენინგი ჩაუტარდა

2024-02-22 19:12:40
პერსონალურ მონაცემთა დაცვის სამსახურმა მონაცემთა დაცვის საკითხებზე დაინტერესებულ 250 -ზე მეტ პირს ონლაინ ტრენინგი ჩაუტარა. ტრენინგზე სამსახურის წარმომადგენლებმა ახალი კანონით გათვალისწინებული ცვლილებები მიმოიხილეს.
პერსონალურ მონაცემთა დაცვის სამსახურის უფროსის აპარატის ხელმძღვანელმა - ნიკოლოზ პოპიაშვილმა, სამართალდამცავ ორგანოებზე ზედამხედველობის დეპარტამენტის უფროსის მოადგილემ - ჯონი ჩონიაძემ და იურიდიული დეპარტამენტის იურისტმა საბა ელიზბარაშვილმა განიხილეს ისეთი მნიშვნელოვანი საკითხები როგორიცაა: პერსონალურ მონაცემთა დამუშავების პრინციპები და საფუძვლები, სპეციალური წესები, მონაცემთა სუბიექტის უფლებები და მათი შეზღუდვის საფუძვლები, მონაცემთა დაცვის ოფიცერი, პერსონალურ მონაცემთა საერთაშორისო გადაცემა, მონაცემთა დამუშავების ცალკეული საკითხები კერძო და საჯარო სექტორში, სპეციფიკა სამართალდამცავ სექტორში და სხვა.
შეგახსენებთ, რომ ,,პერსონალურ მონაცემთა დაცვის შესახებ“ ახალი კანონით გათვალისწინებული დებულებების ძირითადი ნაწილი ძალაში 1 მარტიდან შედის. პერსონალურ მონაცემთა დაცვის სამსახური მონაცემთა დამმუშავებლებს კონსულტაციებისა და ტრენინგების სხვადასხვა ფორმატს სთავაზობს.
აქვე გაცნობებთ, რომ ონლაინ ფორმატში შემდეგი ტრენინგი 27 თებერვალს გაიმართება. დეტალური ინფორმაცია სამსახურის სოციალურ ქსელებსა და ვებგვერდზე გამოქვეყნდება.