რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

პერსონალურ მონაცემთა დაცვის მდგომარეობა საქართველოში - 2023 წლის შუალედური ანგარიში და ,,პერსონალურ მონაცემთა დაცვის“ შესახებ ახალი კანონის იმპლემენტაციის საკითხები

2023-10-09 15:16:08
პერსონალურ მონაცემთა დაცვის სამსახურმა, უმაღლესი საკანონმდებლო ორგანოს წარმომადგენლებთან, მთავრობის წევრებთან, საჯარო და კერძო ორგანიზაციების, ასევე დიპლომატიური, აკადემიური და არასამთავრობო სექტორის წარმომადგენლებთან შეხვედრა გამართა.
ღონისძიება საქართველოში პერსონალურ მონაცემთა დაცვის მდგომარეობას, მიმდინარე წლის შუალედურ ანგარიშსა და ,,პერსონალურ მონაცემთა დაცვის შესახებ“ ახალი კანონის იმპლემენტაციის საკითხებს შეეხებოდა. 

შეხვედრა პერსონალურ მონაცემთა დაცვის სამსახურის უფროსმა ლელა ჯანაშვილმა გახსნა. უწყების ხელმძღვანელმა ახალი კანონის მიღება პერსონალურ მონაცემთა დაცვის სამართლის განვითარებისთვის მნიშვნელოვან წინ გადადგმულ ნაბიჯად შეაფასა.
,,ახალი კანონის იმპლემენტაციის შედეგად, პერსონალურ მონაცემთა დაცვის მარეგულირებელი საკანონდებლო ბაზა შესაბამისობაში იქნება ევროკავშირის კანონმდებლობასთან, რითაც უზრუნველყოფილი იქნება პერსონალურ მონაცემთა დამუშავებისას ადამიანის ძირითადი უფლებებისა და თავისუფლებების, მათ შორის პირადი ცხოვრების ხელშეუხებლობის ეფექტიანი დაცვა“- განაცხადა ლელა ჯანაშვილმა.
პერსონალურ მონაცემთა დაცვის სამსახურის უფროსმა აუდიტორიას დეტალურად წარუდგინა გასული 9 თვის სტატისტიკური მონაცემები, განხორციელებული პროექტები, პრიორიტეტები და სამომავლო გეგმები.
ლელა ჯანაშვილმა, ასევე ისაუბრა სამსახურისთვის „მონაცემთა დაცვის ევროპული საბჭოს“ (“EDPB”) დამკვირვებლის სტატუსის მინიჭების შესახებ.
,,EDPB-ის დამკვირვებლის სტატუსი უმნიშვნელოვანესი მონაპოვარია საქართველოს პერსონალურ მონაცემთა დაცვის სამართლისა და მისი საზედამხედველო ორგანოს არსებობის ისტორიაში იმდენად, რამდენადაც აღნიშნული კიდევ უფრო მეტად უზრუნველყოფს სამსახურის საქმიანობის ევროპულ სტანდარტებთან თანხვედრას და მონაცემთა დაცვის კოლეგა ორგანოთა ევროპული ოჯახის ღირსეულ წევრობას.“- განაცხადა ლელა ჯანაშვილმა.
ღონისძიებაზე, დამსწრე საზოგადოებას სიტყვით მიმართა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ. მიხეილ სარჯველაძემ დადებითად შეაფასა ის შედეგები, რასაც სამსახურმა ბოლო პერიოდში მიაღწია.
ღონისძიებაზე პერსონალურ მონაცემთა დაცვის შესახებ ახალი ვიდეორგოლის პრეზენტაციაც გაიმართა.
შეხვედრის მეორე ნაწილში, პერსონალურ მონაცემთა დაცვის სამსახურის იურიდიული დეპარტამენტის უფროსმა დავით ყარაშვილმა დამსწრე აუდიტორიას „პერსონალურ მონაცემთა დაცვის შესახებ“ კანონით გათვალისწინებული სიახლეები წარუდგინა.  

აღსანიშნავია, რომ აღნიშნული კანონით მნიშვნელოვნად იზრდება მონაცემთა სუბიექტის უფლებები და ფართოვდება მათი დაცვის გარანტიები.
მნიშვნელოვანი ცვლილებები ეხება მონაცემთა პირდაპირი მარკეტინგის მიზნებისათვის დამუშავების წესებს. ამასთან, გათვალისწინებულია აუდიომონიტორინგთან დაკავშირებული საკანონმდებლო ნორმების შემოღება. კანონი სპეციალურ რეგულაციას შეიცავს არასრულწლოვანთა პერსონალური მონაცემების დამუშავებასთან დაკავშირებით. ასევე, ახლებურად რეგულირდება გარდაცვლილი პირის მონაცემთა დამუშავების საკითხი.
ამასთან, მნიშვნელოვანი სიახლეებია: პერსონალურ მონაცემთა დაცვის ოფიცრის ინსტიტუტის შემოღება, მონაცემთა დამუშავების ზეგავლენის შეფასების ვალდებულება, პერსონალურ მონაცემთა დაცვის სამსახურისთვის მონაცემთა დამუშავებისთვის პასუხისმგებელი პირის მიერ ინციდენტის შეტყობინების ვალდებულება და ა.შ
კანონით გათვალისწინებული ვალდებულებებისა და სიახლეების უმრავლესობა ძალაში 2024 წლის 1 მარტიდან შევა.
პერსონალურ მონაცემთა დაცვის სამსახური ახალი კანონით გათვალისწინებული მნიშვნელოვანი სიახლეების შესახებ მიზნობრივ აუდიტორიასთან შეხვედრებს მომავალშიც გააგრძელებს. დაგეგმილი აქტივობების შესახებ ანონსები სამსახურის ოფიციალურ ვებ- გვერდსა და სოციალურ ქსელში განთავსდება.
პერსონალურ მონაცემთა დაცვის სამსახურის 2023 წლის 9 თვის საქმიანობის სტატისტიკა იხილეთ მოცემულ ბმულზე

👉 https://newadmin.personaldata.ge/wp-content/uploads/2023/10/სამსახურის-9-თვის-საქმიანობის-ანგარიში-2023.pdf