რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

პერსონალურ მონაცემთა დაცვის სამსახურის უფროსის ინტერვიუ ,,პირადი ცხოვრების ხელშეუხებლობის ასამბლეის“ საინფორმაციო ბიულეტენში გამოქვეყნდა

2023-07-18 13:36:50
პერსონალურ მონაცემთა დაცვის სამსახურის უფროსის ლელა ჯანაშვილის ინტერვიუ ,,პირადი ცხოვრების ხელშეუხებლობის ასამბლეის“ საინფორმაციო ბიულეტენში გამოქვეყნდა.
ინტერვიუს ფარგლებში, სამსახურის უფროსმა ისაუბრა პერსონალურ მონაცემთა დაცვის შესახებ ახალ კანონზე, სამსახურის მიერ „მონაცემთა დაცვის ევროპული საბჭოს“ საქმიანობის დამკვირვებლის სტატუსის მოპოვების საკითხზე და პერსონალურ მონაცემთა დაცვის სამსახურის საქმიანობის სხვადასხვა ასპექტზე.
ლელა ჯანაშვილმა ხაზი გაუსვა მონაცემთა დაცვის საზედამხედველო ორგანოებთან საერთაშორისო თანამშრომლობის ხელშეწყობის მიზნით სამსახურის მიერ განხორციელებულ აქტივობებს, სადისკუსიო პლატფორმის უზრუნველსაყოფად სამსახურის მიერ დაფუძნებულ პერიოდულ სამეცნიერო ჟურნალს, ასევე სამომავლო საერთაშორისო აქტივობას — „ცენტრალური და აღმოსავლეთ ევროპის პერსონალურ მონაცემთა დაცვის საზედამხედველო ორგანოების“ გაერთიანების ყოველწლიური კონფერენციის მასპინძლობის საკითხს.
ინტერვიუს ფარგლებში, სამსახურის უფროსმა, საზოგადოების ცნობიერების ამაღლების მიზნით სამსახურის მიერ განხორციელებულ სხვადასხვა ინიციატივებთან ერთად, ასევე, ისაუბრა „პირადი ცხოვრების ხელშეუხებლობის ასამბლეის“ წევრობის გამოცდილებაზე. როგორც ასამბლეის წევრი, საქართველოს პერსონალურ მონაცემთა დაცვის სამსახური აქტიურად მონაწილეობს მონაცემთა დაცვის გლობალური პოლიტიკის ფორმირებაში და არის აქტიური კონტრიბუტორი დარგობრივი დისკუსიების წარმართვაში.
ინტერვიუს დასასრულს, ლელა ჯანაშვილმა გამოთქვა საქართველოს პერსონალურ მონაცემთა დაცვის სამსახურის მზაობა, აქტიურად განაგრძოს თანამშრომლობა ასამბლეის მიზნებისა და სამოქმედო გეგმის განხორციელების ხელშეწყობის მიზნით.
სრული ინტერვიუს სანახავად გამოიყენეთ მოცემული ბმული

👉 https://globalprivacyassembly.org/regulating-the-digital.../