რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

პერსონალურ მონაცემთა დაცვის სამსახურის უფროსის აპარატის უფროსმა ციფრული ტრანსფორმაციის ფორუმში მიიღო მონაწილეობა

2023-07-03 12:33:40
პერსონალურ მონაცემთა დაცვის სამსახურის უფროსის აპარატის უფროსმა ნიკოლოზ პოპიაშვილმა ციფრული ტრანსფორმაციის ფორუმში („Digital Transformation Georgia’s Role in Global Industry 4.0 DIGITAL TRUST for Open Digital Ecosystem“) მიიღო მონაწილეობა. ღონისძიება საქართველოს ICT კლასტერის ორგანიზებით გაიმართა.
ნიკოლოზ პოპიაშვილის მოხსენება მოიცავდა ისეთ აქტუალურ საკითხებს, როგორიცაა მონაცემთა დაცვის ძირითადი ასპექტები, საკანონმდებლო ცვლილებები, მათ შორის ახალი კანონი, ევროკავშირის რეგულაციებთან დაახლოება და პერსონალურ მონაცემთა დაცვის სამსახურის როლი უსაფრთხო ციფრული გარემოს ჩამოყალიბებაში.  

განხილულ თემებს შორის იყო მონაცემთა უსაფრთხოება, ინციდენტის შეტყობინების ვალდებულება, მონაცემთა დაცვაზე ზეგავლენის შეფასება და მონაცემთა მეტად დაფარვის პრიორიტეტი, როგორც ალტერნატიული მიდგომის არჩევამდე ავტომატურად გამოყენებული საწყისი მეთოდი ახალი პროდუქტის ან მომსახურების შექმნისას. მონაცემების დაცვის სამართლებრივი კონტროლის გაძლიერებაზე მსჯელობისას, ნიკოლოზ პოპიაშვილმა ხაზი გაუსვა სამსახურის, როგორც დამოუკიდებელი საზედამხედველო ორგანოს მნიშვნელობას.
შეჯამების სახით აღინიშნა, რომ სამსახური აქტიურად აგრძელებს საგანმანათლებლო კამპანიების წარმართვას, რითაც ხელს უწყობს საზოგადოებაში მონაცემთა დაცვის კულტურის განვითარებას და ახდენს პერსონალურ მონაცემთა უკანონო დამუშავების პრევენციას.