რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

პერსონალურ მონაცემთა დაცვის სამსახურის იურიდიული დეპარტამენტის უფროსი იურისტი ნინო ჩხაიძე, გაეროს ქალთა ორგანიზაციის მიერ გამართულ ღონისძიებას დაესწრო

2022-05-25 10:48:51
პერსონალურ მონაცემთა დაცვის სამსახურის იურიდიული დეპარტამენტის უფროსი იურისტი ნინო ჩხაიძე, გაეროს ქალთა ორგანიზაციის მიერ გამართულ ღონისძიებას დაესწრო.
ღონისძიება სექსუალური შევიწროების მოკვლევის საკითხებზე, მსხვერპლზე ორიენტირებული მიდგომის გამოყენებით, საჯარო სამსახურის წარმომადგენლების ცოდნის და უნარების გაძლიერების მიზნით გაიმართა. 

პერსონალურ მონაცემთა დაცვის სამსახური ისწრაფვის, რომ სამსახურში შექმნას დისკრიმინაციისაგან თავისუფალი სამუშაო გარემო. სამუშაო ადგილზე სექსუალური შევიწროება, რომელიც დისკრიმინაციის ერთ-ერთი ფორმაა, წარმოადგენს ადამიანის უფლების დარღვევას და აკრძალულია საქართველოს კანონმდებლობით.
სამსახურის უფროსმა ლელა ჯანაშვილმა „პერსონალურ მონაცემთა დაცვის სამსახურში სექსუალური შევიწროების პრევენციისა და მასზე რეაგირების მექანიზმი” 2022 წლის 17 მაისის ბრძანებით დაამტკიცა, აღნიშნული მექანიზმის ეფექტიანი აღსრულების მიზნით, პერსონალურ მონაცემთა დაცვის სამსახური აქტიურად არის ჩართული სხვადასხვა ღონისძიებებში.
ღონისძიებაში მონაწილეობას იღებდა სხვადასხვა საჯარო უწყების წარმომადგენელი 18 საჯარო მოხელე. ღონისძიების ფარგლებში მონაწილეებმა გაიღრმავეს ცოდნა სექსუალური შევიწროების მექანიზმების ეფექტიანი ფუნქციონირებისა და სექსუალური შევიწროების შემთხვევების მოკვლევის საკითხებზე, მათ შორის გლობალურ გამოცდილებასა და საუკეთესო პრაქტიკებზე.
ღონისძიება, გაეროს ქალთა ორგანიზაციის მიერ, საქართველოს მთავრობის ადმინისტრაციასთან თანამშრომლობით წინანდალში 23-24 მაისს გაიმართა, პროექტის „კარგი მმართველობა გენდერული თანასწორობისთვის საქართველოში“ (GG4GEG) ფარგლებში, რომელიც ნორვეგიის საგარეო საქმეთა სამინისტროს მიერაა მხარდაჭერილი.