რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

ინსპექტორის 2016 წლის ანგარიში ადამიანის უფლებათა დაცვის კომიტეტმა დადებითად შეაფასა

2017-03-15 15:15:40

 

გამოვლენილი სამართალდარღვევების გაზრდილი მაჩვენებლები, გაზრდილი მიმართვიანობა და ინსპექტორის აპარატის ინსტიტუციური გაძლიერება - პერსონალურ მონაცემთა დაცვის ინსპექტორმა პერსონალურ მონაცემთა დაცვის მდგომარეობისა და ინსპექტორის საქმიანობის შესახებ 2016 წლის ანგარიში ადამიანის უფლებათა კომიტეტს წარუდგინა. თამარ ქალდანმა ყურადღება გაამახვილა იმ ტენდენციებსა და სტატისტიკურ მონაცემებზე, რაც გასულ წელს ქვეყანაში პერსონალური მონაცემების დაცვის კუთხით გამოიკვეთა.

ინსპექტორის თქმით, 2016 წლის განმავლობაში მიღებული განცხადებებისა და ინსპექტირების შედეგად შესწავლილ იქნა მონაცემთა დამუშავება როგორც საჯარო, ასევე კერძო ორგანიზაციებში, მათგან 86 -ჯერ საჯარო დაწესებულებებში, ხოლო 245-ჯერ კერძო ორგანიზაციებში. საჯარო დაწესებულებებიდან ყველაზე მეტი შემოწმება ჩატარდა მთავარ პროკურატურასა და შინაგან საქმეთა სამინისტროში, ხოლო კერძო ორგანიზაციებიდან ე.წ. ონლაინ სესხების გამცემ და სესხის ამომღებ კომპანიებში.

3-ჯერ გაიზარდა მოქალაქეების, საჯარო და კერძო ორგანიზაციებისთვის გაწეული კონსულტაციების რაოდენობა და ჯამურად შეადგინა 3840 კონსულტაცია. პრაქტიკულად 2-ჯერ გაიზარდა ფიზიკური პირების განცხადებებისა და ინსპექტირების რიცხობრივი მაჩვენებელი, გამოვლინდა სამართალდარღვევის 221 ფაქტი, 63 ორგანიზაციას დაეკისრა ჯარიმა, 35 ორგანიზაციას მიეცა გაფრთხილება; მონაცემთა დაცვის უზრუნველსაყოფად გაიცა 202 მითითება და რეკომენდაცია.

პერსონალურ მონაცემთა დაცვის ინსპექტორმა ისაუბრა ინტერნეტში პერსონალურ მონაცემთა დაცვაზე და ყურადღება გაამახვილა 2016 წელს პირადი ცხოვრების ამსახველი ვიდეომასალებისა და აუდიოჩანაწერების გავრცელების ფაქტებზეც.

„ჩვენ საჯარო განცხადებების საშუალებით არაერთხელ გავუსვით ხაზი გამოძიებისა და ამგვარი დანაშაულის პრევენციის ეფექტიანი და სწრაფი მექანიზმების აუცილებლობას, ამ მიზნით უცხოელი ექსპერტების ჩართვის საჭიროებას, გამოძიების შედეგების მიმართ არსებულ მაღალ საჯარო ინტერესებს და აუდიო-ვიდეო ჩანაწერების გავრცელების ტენდენციის უარყოფით გავლენას არა მხოლოდ კონკრეტული პირების პირადი ცხოვრების ხელშეუხებლობის უფლებაზე, არამედ საზოგადოების აღქმასა და დამოკიდებულებაზე.“ განაცხადა თამარ ქალდანმა

დეპუტატები დაინტერესდნენ როგორც ანგარიშში განხილული თემებით, ასევე ინსპექტორის პოზიციით ფარული საგამოძიებო მოქმედებების შესახებ კანონმდებლობის თემაზე. თამარ ქალდანმა კიდევ ერთხელ გაუსვა ხაზი ფარულ საგამოძიებო მოქმედებებზე ეფექტური კონტროლის მნიშვნელობას.

კომიტეტის წევრებმა საპარლამენტო უმრავლესობიდან და ოპოზიციიდან ანგარიშს დადებითი შეფასება მისცეს. საკანონმდებლო ორგანო პერსონალურ მონაცემთა დაცვის ინსპექტორის ანგარიშის მოსმენას იურიდიულ კომიტეტზე, შემდეგ კი პარლამენტის სხდომაზე გააგრძელებს.

პერსონალურ მონაცემთა დაცვის ინსპექტორის ანგარიში მიმოიხილავს ქვეყანაში პერსონალური მონაცემების დაცვის თვალსაზრისით არსებულ ტენდენციებს, ინსპექტორის აპარატის საქმიანობის ძირითად მიმართულებებს, გამოწვევებს, გამოვლენილ სამართალდარღვევებს, მათზე რეაგირების შედეგებსა და სხვა აქტუალურ საკითხებს. პერსონალურ მონაცემთა დაცვის ინსპექტორი საქართველოს მთავრობასა და პარლამენტს დოკუმენტს წელიწადში ერთხელ წარუდგენს. ეს ინსპექტორის რიგით მეოთხე ანგარიშია.