რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

ევროპის საბჭოს პერსონალურ მონაცემთა დაცვის კომიტეტის ბიუროს წევრად საქართველოს წარმომადგენელი აირჩიეს

2014-06-04 11:52:19

დღეს, 4 ივნისს, სტრასბურგში, ევროპის საბჭოს პერსონალურ მონაცემთა დაცვის კომიტეტში ბიუროს არჩევნები გამართა. კომიტეტის 46 ქვეყნის წარმომადგენლებმა ბიუროს წევრად ერთხმად აირჩიეს საქართველოს დელეგატი ნინო სარიშვილი.

საქართველოს წარმომადგენელთან ერთად, ბიურო განახლებულ შემადგენლობაში შედიან შვეიცარიის, ბელგიის, ლუქსემბურგის, იტალიის, ესპანეთის, პორტუგალიისა და სერბეთის დელეგატები.

პერსონალურ მონაცემთა დაცვის კომიტეტი არის ევროპის საბჭოს პერსონალურ მონაცემთა ავტომატური დამუშავებისას ფიზიკურ პირთა დაცვის შესახებ 108 კონვენციის საფუძველზე შექმნილი ორგანო, რომელშიც ევროპის საბჭოს 46 ქვეყანაა წარმოდგენილი.

ბიუროს წევრობა საქართველოს პერსონალურ მონაცემებთა დაცვის ინსპექტორის აპარატისთვის საერთაშორისო აღიარება და ასევე, მძლავრი საერთაშორისო ტრიბუნაა, იმის გათვალისწინებით, რომ ინსპექტორის აპარატს კომიტეტში საქართველოს წარმომადგენლობის უფლებამოსილება 8 თვის წინ მიენიჭა.

ბიუროს წევრობა კიდევ ერთი შესაძლებლობაა, საქართველო უფრო ჩაერთოს პერსონალური მონაცემების დაცვის ევროპული სტანდარტების შემუშავებასა და დახვეწაში.

ნინო სარიშვილი პროფესიით იურისტია, იგი საქართველოს პერსონალურ მონაცემთა დაცვის ინპექტორის აპარატში მისი შექმნის დღიდან მუშაობს და ხელმძღვანელობს საერთაშორისო ურთიერთობების დეპარტამენტს.