მსოფლიო პრაქტიკა – საინტერესო ფაქტები, რეკომენდაციები და მსოფლიო ტენდენციები პერსონალურ მონაცემთა დაცვის მიმართულებით
2023-04-13 12:00:22
კანადის მონაცემთა დაცვის საზედამხედველო ორგანომ (“OPC”) პირადი ცხოვრების ხელშეუხებლობის, კერძოდ, სექსუალური შინაარსის მიმოწერის თაობაზე რეკომენდაციები გამოაქვეყნა.
შემუშავებული დოკუმენტის თანახმად, ციფრულ სივრცეში ინფორმაციის გაზიარებით თინეიჯერები, განსაკუთრებით კი სექსუალური შინაარსის კორესპონდენციის („სექსტინგი“) განხორციელებისას, კარგავენ კონტროლს საკუთარ პერსონალურ მონაცემებზე.
სექსუალური შინაარსის მიმოწერის დროს გასათვალისწინებელი შემდეგი რჩევებით:
🔸თუ გსურთ, რომ შეამციროთ თქვენი ფოტოსურათების გავრცელების რისკები, არ გადაიღოთ ისინი, რადგან არსებობს ციფრულ მოწყობილობაში უნებართვო შეღწევის საფრთხე;
🔸არასდროს იმოქმედოთ თქვენი ნების საწინააღმდეგოდ. ასევე, არ აიძულოთ სხვა, რომ გამოგიგზავნოთ ინტიმური ფოტოსურათები;
თუ გამოგიგზავნიან ინტიმურ ფოტოსურათს, არ გაუზიაროთ სხვას, არამედ წაშალეთ, რათა ხელი არ შეუწყოთ მის შემდგომ გავრცელებას;
🔸თუ გამოგიგზავნიან სექსუალური შინაარსის ინფორმაციას, უთხარით აღნიშნულის შესახებ ზრდასრულ, სანდო პირს;
🔸ფოტოსურათის გაზიარებამდე ყოველთვის მიიღეთ თანხმობა იმ პირისგან, რომლის გამოსახულებაცაა მასზე აღბეჭდილი;
🔸ნებისმიერი სახის მუქარა/შანტაჟი ეწინააღმდეგება კანონს. მტკიცებულების სახით შეინახეთ მუქარის/შანტაჟის დამადასტურებელი მიმოწერა და უამბეთ აღნიშნულის შესახებ სანდო პირებს. ეს და სხვა სიახლეები მსოფლიო პრაქტიკიდან იხილეთ ვრცლად: მსოფლიო პრაქტიკა 03.2023